عيش ...
شعر / سعاد سعد
عيش حياتك هادي عيش
واما ييجى الموت ينادى
قوله خدنى عشان اعيش
يا اللى من غلبك منفض خدها عادى
والجراب فاضى وما فيش
وانت فرد ف كام قطيع
والحكاية ما تتحكيش
سك ع الحلم الرضيع
دى الحياة صورة ف افيش
شوف حياتك ذكرياتك
دا الهوان مابينتهيش
مسكوك دور الضحية ولمماتك
سك بابك استخبى جوا شيش
ياللى مات قولك فى قلبك
كل بق عليه شويش
وانت ما فى بيبان لدربك
عيش حياتك هادى عيش
واما ييجى الموت ينادى
قوله خدنى عشان اعيش
ياللى من غلبك منفض خدها عادى
إرسال تعليق