النظاف| بقلم \ صقر الحروف الزجال بوسبولة المحجوب

ياللي موجود في كل ساحة
في كل زنقة وانا شايفك
عقلك خدام ولسان سماحة
وبمكناستك وانا موالفك
جاي غادي ماعارف راحة
طايع وسعدك زربة مخالفك
محني تجمع مرماو لخوث
فايق والليل راخي سوادو
وانت الفوق بالاخلاص منعوث
والانسان زايد ف عنادو
يهديهم ربي مول القوث
راجل ولمرة وزيد ولادو
ربي للي لك قسم وعطاك
لقمة عيش ياك ماعندك لين
في كل مكان شايفك اهناك
يمكن مثقل فلوس كرا ودين
راضي و لمكتاب للي بغاك
اصبر خويا ماعندك فين

//////+++ بقلم صقر الحروف
 الزجال بوسبولة المحجوب +++//////