دم الشهيد للجنه بينادى | بقلم | ايمن ابو الدنيا

دم الشهيد للجنه بينادى
مشتاق أنا للجنه يابلادي
أوهب لنصرك يامصر
روحى وأولادى

حواليك ناس باغيه
كارهه الحياه
الدين فى مذهبهم جحود
والإيمان بفكرهم كالكفر
ازاى دماء الأبريا تصبح صلاه
وازاى دمار الأرض يبقى نجاه
وازى تكونوا الهداية
وأنتم أشد العصاه !!!
دم الشهيد نور دروب الحياة
دم الشهيد جنه وموكب فرح
بتزف كل اللى وهب روحه
لأجل الإله
للأهل والأولاد
وسام شرف وحياه
مثال لمعنى الفدا
شهيد وربه ناداه
للسعد روحه للسما
وملايكه رايحه معاه
فى الأرض رمز الخلود
والإسم ما أحلاه
شهيد بيحمى الوطن
ملفوف بعلم الشرف
ساكن بنبض الوطن
كفنه قلوب تهواه
يا مصر قومى وكبرى
للشهدا كل صلاة
دم الشهيد يوهبك
مع كل قطرة حياه
...................
أيمن أبو الدنيا
٢٠٢٠/٥/١