بَل ريق البُعد حنضل
ضَم حُضن القُرب توت
أي قلب بفُرقه يقبل
يبقى بيت للعنكبوت
واللي يمشي ف سكّه وحدُه
واللا يبقى مصاحبُه عِنده
يلقى حُب يروح ف ضده
يبقى أحسن لو يموت
الحكايه م البدايه
كل قلب وله وليف
سيدنا أدم جاتله حوّا
جنّه م الضلع الضعيف
وابتدا الشئ المقدّر
أرضنا بالحُب تعمر
دي الحقيقه لو نفكّر
بالغرام تدفى البيوت
والحقيقه برضه إنّي
قلبي معجون بالغرام
دقّي بالأشواق يغنّي
غنوّه من أحلى الكلام
كل حرف بشوفه إنتي
كل نغمه بتبقى إنتي
نفسي اقولك يا حبيبتي
بعشقك وبأعلى صوت
بَل ريق البُعد حنضل
ضَم حُضن القُرب .. توت
سيد منيرعطيه
عضو اتحاد كتاب مصري
إرسال تعليق