مين رح يمسح دمع عيوني
لمّا دموعي تسيل أنهار ؟
مين هدخل جوّاه يحميني
لمّا البرد يكون إعصار ؟
إلا عيونك بس حبيبتي
هي ف موج البحر سفينتي
إنما ليه فعلا دلوقتي
رايحه بعيد عكس التيّار ؟
يوم ورا يوم أشواقي بتكبر
تصبح قد الكون وتزيد
قلبك ليه ع الحُب بيقدر
وبيتدارى يروح لبعيد ؟
قلبي بياخد قوي على خاطرُه
لمّا البرد يهل بمطرُه
مين يا حبيبة قلبي يشاطره
يحميه من برد الأمطار ؟
قلبي برئ والحُب حلاوه
دوقي حلاوة قلب برئ
وامّا تلاقي ف قلبي شقاوه
برضه شقاوته تبل الريق
أصل الشوق واخده يا ولداه
إديله لو حضنين لله
مين يتشاقى ياروحي معاه
ياخده ويهرب م الأنظار
إلا عيونك بس حبيبتي
هي ف موج البحر سفينتي
إنما ليه فعلا دلوقتي
رايحه بعيد عكس التيّار ؟
سيد منيرعطيه
عضو اتحاد كتاب مصر
إرسال تعليق